Зияткерлік күні.

Бұл күні балалардың зияткерлік әлеуетін, ақыл-ойын дамыту мақсатында мақал-мәтелдер, жұмбақтар, жаңылтпаштар, жырлар мен эпостардан үзінділер айтылады.

Зияткерлік күніне орай Сарыағаш қаласы “Арыстанбаб” жоғары колледжінде жастардың санасын дамытуға бағытталған, дәстүрлі қазақ мәдениетін дәріптейтін мерекелік іс-шара өткізілді.

Қазақ халқы сөзбен түзеп, көзбен тәрбиелеген ұлы халық қой. Даналығы мен даралығы, тәрбиесі мен өнегесі сөзінде көмкерілген. Ендеше, бүгінгі күннің тақырыбына сай бала туралы мақал-мәтелдерге тоқталып өтейік.

⚜Бала өсірген ата-ана

Бала болып ойнайды.

Бала оқытқан ұстаздар

Бала болып ойлайды.

⚜Балапанды торғайлар

Өрт болмасын деп тілейді.

Балаларға аналар

Дерт қонбасын деп тілейді.

⚜Болар елдің баласы он бесінде «Баспын» дер,

Болмас елдің баласы отыз бесте «Жаспын» дер.

⚜Жалғыз ұлы бар кісінің шығар-шықпас жаны бар,

Екі ұлы бар кісінің өкпе-бауыр, жалы бар,

Үш ұлы бар кісінің бұқарада малы бар, қорасында қолы бар,

Төрт ұлы бар кісінің аспаннан салған жолы бар.